O día 27 de novembro celebramos
na nosa aula de 3º e 4º o día do TDAH. Durante dúas sesións falamos deste
trastorno, das características das persoas que conviven con el.
Ademais de facer unha pequena
introducción e explicación, fixemos unhas bandeiras nas que
puxemos "Que ten (nome do neno/a) na cabeza?". Cada
compañeiro tiña que poñen na bandeira dos demais un adxectivo positivo que o
caracterizase. Ao rematar, cada neno leu a súa bandeira, vendo o que os
compañeiros lle escribiron.
Logo de facer as bandeiras,
cada un deles escolleu unha planta, un boneco ao que lle saen
follas pola cabeza. Dado que son diferentes tipos de plantas, a cada boneco
sairanlle follas distintas, facendo ver así que cada persoa ten as súas
características, que non teñen que coincidir coas dos demais.
Co paso do tempo, sempre
coidando deles e botándolles auga, aos bonecos creceralles o pelo.
Comentarios
Publicar un comentario